Sunday, August 10, 2008

Boyos




Oy esto metiyendo una recheta ke me agrada muncho, es la recheta de boyos. Es una recheta ke aziyan antes solamente los djidyos de Izmir i de las sivdad serkas de Izmir. Es tanto classico ke los boyoz se vienden oy en las cayes en Izmir. La unika diffrensyia es ke los muestros son kon pure. En Turkiya se agrada komer boyos kon guevos haminados i « çay ».


Kon beraha i salud :)



Boyos

Ingredientes

Para la masa :


1 cupa de agua
1 kuchara de supa de alzete
1 kuchara de supa de sumo de limon
un poko de sal
arina


Para el gomo :

5-6 patatas
2 guevos
sal
100 g kezo (tulum o feta en Turkiya)

Preparamiyento


En primero se apronta el gomo

Kozer las patatas fina ke se ablandan
Ahajar las patatas para azer una pure
Adjustar los guevos, la sal i el kezo. Mesklar bueno


Para la masa:

Mesklar l’agua, la sal, el sumo de limon i la alzete.
Ajsutar la arina fina ke se aze una masa no muy dura, la masar bueno.
Azer pedasos de masa (grande como una mues)
Meter alzete kon la mano en un tepsi (plateau en fransez) i meter los pedasos de masa enriva
Dechar reposar los pedasos 1 ora


Azer los boyos (la parte la mas dura)

En un plato, meter 100 – 150 mL de alzete
Tomar un pedaso de masa, echarlo en la alzete i o kitar pishin
Avrir la masa kon las manos, para azerla fina komo una tela de sevoya
Duvlar la masa de los quatro cantones para azer un kare
En medyo del kare se mete un poko de gomo, i se duvla kom un bollo.
Meter los boyos en un tifsin untado de alzete, pasar un poko de alzete enriva de los boyos. Meter un poko de kezo rayido enriva de los boyos
Gizar los boyos en el orno kente

7 Comments:

Blogger burekaboy — said...

sarah - çok mersi por la resefta :)) des vrais boyos! magnifiques ;p je vais les essayer comme tu fais içi - maintenant je les prépare avec la pâte feuilletée. hehe, je suis devenu paresseux!

8:54 AM  
Blogger sarah said...

Salut

J'espère que le résultat va te plaire, si ce n'est pas très clair n'hésite pas à me demander des précisions, c'est plus simple en français pour moi :D

sarah

1:28 PM  
Anonymous Michael said...

Wow thanks so much for your recipes!(I can't speak Ladino but I'm usually able to figure out words or some I knew like keftes con prasa) My mother is sephardic (our family originates in istanbul) and my grandmother and aunts used to make these foods. I'm so happy to have found your blog! Thank you!

11:58 AM  
Anonymous piroulie said...

Esos boyitos me recuerdan los de mi madre i parecen sabrosos
Soy de Tetuan i hablamos haketi que se parece a el ladino

2:14 PM  
Blogger Leon said...

sarah - Me allegri muncho quando i found el blog tuyu kon la kumidas ke me madre ke es de izmir aziya en kaza. Boyos es una komida ke me agrada muncho. duspes de pesach yo lo ve azer. Muncho mersi.

2:25 AM  
Blogger Benjamin Danan said...

merci pour la recette Sarah! c exactement ce que je cherche!!!! serait il [oissible de l<avoir en francais?.merci!
Ilana

12:13 AM  
Blogger Judith Jakter said...

Será posible recibir la receta en español?
Gracias
Judith

7:37 PM  

Post a Comment

Subscribe to Post Comments [Atom]

<< Home