Agristada
Keridos amigos, agristada es kon vinagre lo ke se kome kon pishkado frito. Pishkado sin agristada no es pishkado. Aze muncha vezes ke deviya tomar la foto para meter en el blog ma es solo agora ke pudi meter la foto. Agristada es komo la mayonnaise de antes, i vinagre el ketchup ?:)
Agristada
Ingredientes
-una kupa d’agua
-una kuchara de arina
-2 guevos
-un poko de sal
-una kuchara o mas de limon
Preparamiyento
-Batear un poko los guevos en una kacharola, mesklar kon los otros ingredientes.
-Meter enriva del fuego i mesklar fina ke se aze komo una krema.
-Servir kon pischkado frito
posted by sarah | 8:09 AM
3 Comments:
Kerida SARITA,
Muy buena receta y muy fácil. En mi opinión, tú receta parece mucho más natural y saludable que la mayonesa y el ketchup de estos tiempos.
Munchos Besos
Elias Narciso
Kerido Narci;
Mersi muncho para el komentariyo, si parese mijor ke el ketchup i mayonnaise prontos, kale azerlos en kaza:)))) agristada i vinagre me parese mas fasil :)
Besos
Sarah
Mi abuela era Istanboliya ella hervia el pescado en agua con limon,por unos s minutos y despues sacaba el pescado y en esta agua meslaba la harina I huevos y la echaba sobre el pescado para cucina unos minutos mas.En Pesaj lo hacia con harina de matza...muy delicioso
Post a Comment
Subscribe to Post Comments [Atom]
<< Home