Monday, December 25, 2006

Tarama+Cacik


Keridos amigos,

El anyo muevo esta viniyendo, para oy vos do dos reseftas ke son muy fasil a azer i ke se puede azer para shabat, alegrias...Los diferentes puevlos de la Rusiya fina el Liban tiyenen una resefta de tarama o de cacik, es normal ke los sefaradim tomaron estos uzos de komidas.

Tarama es muy fasil, agora todo se puede merkar pronto. A mi me agrada maz el de kaza. Anios antes las mujer aziyan tarama en mano,oy kon los robotes es muy fasil :)
Cacik es una komida turka ke se kome en enverano,eskomo una supa freska.El de los gregos es maz espeso.

Espero ke vos va agradar.


Tarama

Ingredientes

-150 g guevos de pishkado (cabillaud)
-2-3 revanadas de pan
-Sumo de un limon
-Alzete

Preparamiyento

-Kitar la tela del guevo de pishkado
-Mojar la miga de las revanadas de pasn, la esprimir muy bueno
-Meter en un robot, i mesklar. En mesklando adjustar la alzete fina ke se aze komo una krema.
-Meter a yelar

Cacik (meldar djadjik -tzatziki turko)( En turkiya cacik es komo una supa freska)

Ingredientes

-Yogurt (500 g)
-Pipino (medio pipino fransez-2 –3 pipinos turkos)
-Sal
-Alzete
-Ajo (si plaze)

Preparamiyento

-Mesklar el yogurt kon un poko de agua i sal i ajo ahajado.
-Mundar el pipino i lo rayer en el yogurt.
-Mesklar
-meter un poko de alzete enriva
-Servir fresko

4 Comments:

Anonymous Anonymous said...

Hola Sarita,

Muy interesante las recetas.
Creo que CACIK comía mi papú.

Besos
Narci

8:51 AM  
Blogger sarah said...

Kerido Narci,

Mersi muncho, te konsejo puedes gostar cacik, ez muy savroso.

Besos

Sarah

8:39 AM  
Blogger tata said...

Mmmmh, tarama, una cosa delisiosa!

8:13 AM  
Anonymous Anonymous said...

Tu receta me encanta, pero deberías tener cuidado y marcar tus fotos con una marca de agua, o simplemente firmarlas para que no te las plagien.

Un saludo
http://foros.hogarutil.com/viewtopic.php?f=2&t=101463

4:37 AM  

Post a Comment

Subscribe to Post Comments [Atom]

<< Home