Keskul
Keridos amigos, ami me agrada muncho sutlac,keskul…todo lo ke se aze kon leche. En Turkiya ez una koza ke se puede komer en aziendo muestro shopping. Para los Izmirlis kon glasada de Mennan (en el carsi) es una koza maraviya
Keskul
Ingredientes
-1 Lt de leche
-3 kucharas (de supa) de arina de trigo (nisasta, fecule de maïs ….)
-1 kuchara (de supa) de arina de aroz
-3 kucharas de almendra mulida
-7 kucharas de asukar
-25-30 g manteka
Preparamiyento
-Meter el leche a kentar kon 7 kucharas de asukar
-Entre mientes mesklar l’arina de aroz i la arina de trigo kon un poko de agua.
-Kuando la leche buyi adjustar el mesklado de arinas, mesklar fina ke se aze espeso.
-Amatar el fuego, adjustar la manteka i mesklar bueno de muevo
-Vaziyar el keskul el los vazos-Meter al yelar i meter muez molida para komer
posted by sarah | 1:29 PM
4 Comments:
Kerida Sara,
para mi, unaz de laz mijoriz dulsuryaz ,para duspuez de komer ez KESKUL. Para viernes, si kere el Dyo, vo tener a la famiya a komer i vo azer komo lo eskrivitez
esto sigura ke atodoz les va plazer. En kumyendu tevamuz a nombrar. Te abrasu, Ayfer
Kerida Ayfer,
Espero ke voz va plazer, i a mi tambien me plaze despues de komer el keskul,
besos
sarah
Kerıda Sarah, ayer komimos con Jenny keşkül en İmren-Kemeraltı.
Kerida Sarita,
Parece muy muy rico con muncha nuez!!
Besos
Elías Narciso
Post a Comment
Subscribe to Post Comments [Atom]
<< Home