Sunday, January 03, 2010

Pechkado de tierra


Mi papu konta muy savrosas istoryas. Kon mi ermana mos agradava muncho las istoryas de kuando mi papu era manseviko, a la skola, kon sus amigos …. Ma agora lo ke me agrada muncho son los rekuerdos de komida. Este anyo, mos konto komo kuando no aviya peshkado a komer, aziyan berenjenas fritas, ma ke los yamavan pechkado de tierra :) Me agrado tanto ke vos meto aki la resefta .

Besos i Anyada Buena

Pechkado de tierra

Ingredientes

1 Berenjena

1 guevo

1 kuchara de supa de arina

Alzete para freir

Preparamiyento

Mundar la berenjena i kortar en tejadas. Meter a reposar en agua kon sal.

Despues una ora, esprimir las tejadas de berenjena i l’asekar kon un trapo.

En un plato, batear un guevo. En un otro plato, meter la arina.

Untar las tejadas de berenjena, una vez en la arina i despues en el guevo.

En una tava, meter la alzete a freir. Kuando se kenta, meter a freir las tejadas de berenjena.

Kualo dizir mas, se puede komer kon vinagre

Beraha i salud

3 Comments:

Anonymous Anonymous said...

I recently discovered your blog and have become a frequent visitor, thank you for sharing all the lovely stories as well as the recipes. I thought people who come to read your blog would enjoy this music.

http://www.judyfrankel.org/music/sephmusic.html

Kon beraha i salud,

Rina

9:52 AM  
Blogger Ben Brewer said...

Sarah, Tata and Estelle,

I think your blog is fascinating, unique and I really enjoy reading it.I live in Israel and have a culinary tour company, www.israelfoodtours.com and am quite drawn to your blog. You have a modest, but loyal following in Israel, and we hope to see future posts shortly.

Best regards, Ben Brewer
ben@israelfoodtours.com

10:23 AM  
Anonymous Anonymous said...

holà hija mìa : las tejadas de berenjenas en sal sin agua pa'quel'agua se va un poquitin de la berenjena!
B'raja y ...provecho !

12:02 PM  

Post a Comment

Subscribe to Post Comments [Atom]

<< Home