Sunday, October 08, 2006

Biskutchikos-Rechikas


Biskutchikos II o Rechikas

Yay mil i un maneras de azer biskutchikos, yo tengo 3 reseftas. Kada una viyene de una tia de mi madre. Ya vos aviya dado la resefta de la tia Sara , ke puedesh meldar de muevo aki, oy es la resefta de la tia Rashel. Este anyo las azimos para Yom Kippour para kortar el tanit, kon keso es una maraviya

Ingredientes

-125 g manteka blanda
-2 findjanes de alzete
-2 findjanes de agua
-una kupa de asukar
-1/2 paketo de baking powder
-arina
-susam (sesame)
-1 guevo

Preparamiyento


-Mesklar la manteka blanda kon l’asukar para azer komo una krema
-Adjsutar alzete i mesklar bueno, azer de mizmo kon la agua.
-Adjustar la arina i el baking para azer una masa no muy dura
-Dar forma
-Untar kon un guevo bateado i meter ‘susam’ enriva
-Meter al orno
-Se puedi guadrar en un kuti (komo tupperware) 2 semanas o mas

9 Comments:

Blogger tata said...

Y a mi tambien me gusto comer con keso, Sarika.

12:43 AM  
Blogger sarah said...

kerida Tata,

kon keso blanko es lo ke me agrada el mas:)

kon cay o una kupa de leche? :)

sarah

1:11 PM  
Anonymous Anonymous said...

Kerida Sarah,
In los ingredientis estaz diziendo, dos fincaniz, ez fincaniz di kafe u fincaniz di çay? Te abrasu, Ayfer

8:49 AM  
Blogger sarah said...

Kerida Ayfer,

tienes razon de demandar, es fincan de kafe turko. espero ke te va agradar,

besos

sarah

11:44 AM  
Anonymous Anonymous said...

Querida Sarita,

Feliz Cumpleaños!!!!!!!!!!!!!!!

Besos
Elías Narciso

10:07 AM  
Anonymous Anonymous said...

Kerida Sarah,
Ayer izi los biscochikos, me se izyeron muy savrozoz. Mersi. Te abrasu, Ayfer

2:27 AM  
Blogger sarah said...

Kerido Narci,
Mersi muncho de pensar a mi,

Kerida Ayfer,
es un grande plazer de ver ke ay personas ke azen las reseftas,

Besos a todos

sarah

1:13 PM  
Blogger David said...

A mi me gusto untar en el kafe Turko.

Saludos

David

New York

12:47 PM  
Blogger sarah said...

Kerido David,

Tiyenes razon kon kafe turko es muy ermozo tambien, mi madre da biskotchikos kon el kafe:)

saludos

sarah

1:24 PM  

Post a Comment

Subscribe to Post Comments [Atom]

<< Home