Garvansos
Keridos amigos a mi me agrada muncho garvansos ma en falafel ;) ma falafel no es una komida sefaradi es por esto ke vo esto dando esta resefta. Garvansos es muy fasil a kozer i es una koza maraviya kon ‘bulgur’ u kon aroz. Es una komida muy savroza, espero ke voz va plazer tambien
Garvansos
Ingredientes
-una kupa de garvansos
-tomatada
-una sevoya
-alzete
-sal
-karne i kaldo de karne si keresh
Preparamiyento
-Meter en mojo una kupa de garvansos.
-La demaniana los eskaldar i echar la agua i los eskurir
-En una kacharola (tencere, cocotte…) sufreir la sevoya, kortada en pisikos
-Adjustar la tomatada, sufreir un poko mas.
-Meter agua (kaldo de karne si tenesh), meter los garvansos, la sal i kozerlos fina ke se azen blandos.
posted by sarah | 4:55 AM
5 Comments:
Kerida Sarah,
Mmmmmm ke savroza kumida. Me namoro. Yo merko los garvansos in boça de vidro, hashladiyadas, del super market i lez kito el pileju, una pur una kon la mano i las kozgo de la mizma manera ke ti. Te abraso, Ayfer
Kerida Sarita,
Perdón por el español!!
Te recomiendo dejar en remojo los garbanzos toda la noche en frio (la heladera entre 4-8 °C) para evitar la contaminación del agua.
Besos
Elías Narciso
Kerida Ayfer,
I mozotros tambien mos namoramos de garvansos (kon aroz), es verda ke garvansoz prontos es maz pratik,
Kerido Narci,
Mos ambezamos kozas muevas kada dia, vo azer komo dishitis la proxima vez, buena idea
Besos a todos
sarah
Atansyon: La sal tenesh que echarla kuando los garvansos o las avikas ya esten blandas.
Si no, no se van ablandar asta maninana demaniana.
Kerido Hayim,
Tienes razon, es muy justo. Kuando azemos arroz a la turca metemos sal en la agua para ke el arros no se ablandi
saludos
sarah
Post a Comment
Subscribe to Post Comments [Atom]
<< Home