Sunday, September 10, 2006

Filas


En los tiempos pasados, las mujeres aziyan las filas en kasa. Es muncho lavoro para mujeres ke lavoran agora. Mersi al Dio puedemos topar nouilles, noodles ... para azer koma las filas de antes. Este enverano gusti en Izmir filas de kasa , porke agora en Izmir se vende filas de kasa, es otra kosa

Filas

-250 g filas (nouilles,noodles, eriste)
- agua
- sal
- 3-4 tomates (si no ay tomates se puede meter salsa de tomates)
-2 kucharas de alzete

Preparamiyento

-Meter las filas al orno, para tostar

-Rayer los tomates, meter sal,alzete. Meter à kozer fina ke trava l’agua

-Adjustar una kupa i media de agua. Kuando la agua se buyo meter las filas

-Abashar el fuego, i kozer fina ke las filas stan blandas

6 Comments:

Anonymous Anonymous said...

Kerida Sarita,

Ya tengo comido "filas" con mi nona. Acá le dicen fideos planos ó cintas.

Muy Rico !!!!

Besos
Elias Narciso

7:39 AM  
Blogger tata said...

Y yo tambien comia las filas de mi nona. Los savores de antes no hay hagora.
Saludos

12:34 PM  
Anonymous Anonymous said...

Kerida Sarah,
Ke savor ke eran las filas eçaz en kaza, se tomava la masa se avriya
se sekava , se kortava , i se tostava. I prontas no son negraz. Ande mi mama viniya una mujer para azerlas. Te abraso, Ayfer

2:36 PM  
Blogger sarah said...

Keridos amigos,

Ke bueno de ver los rekuerdos ke tenesh kon las filas,
Es una komida ke tiene muncha savor me ke ez 'basit'(simple)

Besos

sarah

1:36 PM  
Blogger David said...

Yo requerdo quando mi abuela Rosa con me madre i Zeynep aziyan filaz en el mangal a Izmir.

Komo mi tia Ayfer eskrivyo "ke savor eran!"

David

New York

12:50 PM  
Blogger sarah said...

Kerido David,

Agora es muy difisil topar filas ke tyenen savores de antes, en el mangal deveser otra koza,

saludos

sarah

1:29 PM  

Post a Comment

Subscribe to Post Comments [Atom]

<< Home