Sunday, February 26, 2006

Burikitas


Burikitas es un biervo ke viene del turco börek (ke es una masa kon gomo alientro). En mi famiya los yamamos burikitas, me se yaman tanbien burekas. Burikitas es una koza ke todos lo ke las komen keren komer mas. Yo las ago para las fiestas entre amigos i todos keren la resefta. Yay tres gomos posivle para los burikitas , uno kon handrajo, uno kon pure (ke se yama kezo i guevo) i un otro kon aroz . Oy es la resefta kon kezo i guevo ke vos va a dar. Una buena mujer sefaradi deve saver azer burikitas :)

Burikitas

Ingredientes
Para la masa
-una kupa de alzete
-una kupa de leche
-sal
-keso raido ( komo parmesan)-una kuchara
-un poko de baking powder
-lo ke yeva de arina

Para el gomo
-5 patatas
-2 guevos
-3 kucharas de keso raido
-un poko de sal

Preparamiento
Para el gomo
-Mundar las patatas i kortarlas en pisikos. Meter a kozer kon agua fina ke se ablandan
-Kuando estan blandas azer una pure
-Meter un guevo entero i el blanko del otro
-Mesklar bueno

Para la masa
-Mesklar l’alzete, el leche, sal, kezo raido, baking powder fina ke se aze komo una krema
-Meter l’arina i azer una masa no muy dura

-Tomar pisikos de masa del boy de una muez i avrirlos. Meter el gomo serar i kortar kon una kupa.
-Meter amarillo de guevo ensima la burikitaz
-Meter al orno

7 Comments:

Anonymous Ana said...

Appétissant !

12:47 AM  
Blogger sarah said...

Mersi muncho kerida Ana,

sarah

12:29 PM  
Blogger Milady Carol said...

Je crois avoir compris la recette des burikitas (je parle espagnol et portugais, ça aide!), je vais essayer, ça a l'air vraiment très bon!

8:25 AM  
Blogger sarah said...

Cher Milady Carol,

ça me fait très plaisir de voir que les recettes plaisent, si il y a des choses que tu ne comprends pas n'hésites pas à demander

à bientôt

sarah

1:31 PM  
Anonymous Anonymous said...

Gracias por el regalo de mi cumpleaños !!!

Besos
Narci

12:09 PM  
Anonymous micheline said...

merci pour cette recette que je ne connaissais pas puisque j'ai toujours vu ma mère faire les borekas avec de l'huile et de l'eau et non du lait. je vais essayer ainsi et vous donnerai des nouvelles à tous. A propos, connaissez-vous la recette du pignonate. Je la cherche depuis des années? Merci et amitiés.

10:44 AM  
Blogger sarah said...

Bonjour Micheline,

Merci beaucoup pour ce commentaire qui m'a fait très plaisir.
Grâce à vous, je viens de découvrir quelque chose de nouveau le pignonate. Je vais essayer de me renseigner auprès des tantes de ma mère, et mettre le résultat sur le blog,

Merci beaucoup

sarah

7:30 AM  

Post a Comment

Subscribe to Post Comments [Atom]

<< Home