Sunday, January 15, 2006

Fritada de Kalavasa


Keridos meldadores,

Kontuniando a dar mis sekretos, los reseftas son verdaderos sekretos de familia :), vos vo a kontar la resefta la mas fasil de la kultura sefaradi, la fritada (ke me parese ke se yama almodrote en Istanbul)
Ay muncha manera de azer la fritada, de kalavasa, de pirasa ke se yama prasifuchi, de espinaka… Ay una koza muy kurioza. Tenemos una amiga de Adana ke aze kozas muy paresidos a la kuzina sefaradi de los Izmirlis. Entre otras kozas ayi azen una kumida ke parese muncho a la fritada, ma se yama ‘mücver’ (en turko) i es chikitiko i se frien

Oy la resefta de la fritada de kalavasa

Ingredientes

-500 g kalavasa
-3 guevos
-la miga de 2 revanadas de pan seko (si no tenesh pan puedes meter 2 kucharas de arina)
-sal, pimienta i ‘pirsil’ (no se kualo es el biervo)
-Kezo rayido

Preparamiyento

-Se munda i se rayi las kalavasas
-Esprimir la agua de la kalavasas
-Las kalavasas esprimidas, se mesklan kon la miga del pan (un poko mojada i esprimida), los guevos, sal, pimienta
-Se mete en un pyrex kon un poko de alzete, se vazya la preparasyon de kalavasa. Enriva se mete kezo rayido e se mete al orno.

Afiyet Olsun :)

6 Comments:

Blogger Estelle Tracy said...

No m'agrada keso :)

11:17 AM  
Anonymous Anonymous said...

Grasias mil por compartir con mosotros tus reseftas i saviesa - espero ke sigas skreviendo.

1:04 PM  
Blogger sarah said...

Kerida Estelle,

Pekado de no komer kezo:))))

Kerido David,

mersi munchos para tus palavras, es un plazer de ver ke yay personas ke me meldan

Sarah

12:55 PM  
Anonymous Anonymous said...

bendita seas por la sorpesa que le dare a mi amada cuando regrese a casa .Nunca dejo de asombrame ke tu famyia marchara fora de Kastylya y non olvidase idioma de abuelos .
enormemente engrasyado. si kieres seguir tomando kontato kon un yspaniol de Sivylya, iskribimie:
no8do1284@yahoo.es

2:40 AM  
Anonymous Anonymous said...

Bravo por la FRITADA, la CALABASA y el QUESO !!!!

Besos
Narci

12:05 PM  
Anonymous Haim said...

de muestro tempo se yamava "prasifuchi" i los azian con prasa, spinaka y calavasi.

9:44 AM  

Post a Comment

Subscribe to Post Comments [Atom]

<< Home