Kafe Turko
En mis reseftas devezes vas a meldar la mesura ‘findjan de kafe turko’ . Oy tomi la mesura de un findjan es komo 1/3 cup.
Yo me embezi a azer el kafe turko kuando era muy chika porke mi padre se amorava de kafe turko. Su madre aziya el kafe turko i despues mirava el findjan ( es meldar el futuro en el findjan)
Este kafiko es muy importante kuando ay vijitas. Se aze siempre un kafiko kon una koza dulse al lado. Los biskutchikos kon el kafiko azen un muy bueno ‘duo’ porke puedes untar los biskutchikos en el kafe.
Oy voz vo dar mi resefta de kafe turko
Para una kupa (findjan) de kafe
-un kupa de agua
-media kuchara de kafe (el kafe para el kafe turko deve ser muy muy fino)
-asukar (si kieres)
-Meter l’agua il el asukar a kentar
-Kuando l’agua se kento meter el kafe. Mesklar fina ke se aze un krema enriva. (el fuego no deve ser muy fuerte) Tomar de la krema i meter en el findjan.
-En le fuego kontinuar a mesklar un poko
-Kuando el kafe empesa a buyir amatar el fuego
-Meter el kafe en el findjan
posted by sarah | 12:53 PM
5 Comments:
je ne comprend pas la langue mais c'est tres jolie!
Félicitations pour ton blog, que j'ai découvert par l'intermédiaire de celui de ta soeur.
Je ne parle pas le ladino, mais je le comprends un peu grâce à l'espagnol... et je trouve ça génial que tu fasses vivre cette belle langue !
Monique et Ana,
Merci beaucoup, je trouve très gentil de m'avoir laisser des commentaires encourageants. Et j'espère vous revoir régulièrement
sarah
Mi nombre es Robert, mis padres eran de Francia ma mi nona i mi papu eran de Turkia. Yo me ambesi un poco de ladino de mi garmama i no se si lo esto eskriviendo bien.
Esto viendo este blog con muncho plazer
Mi nombre es Eva, so Navidad en Istanbul.
En MI kaza no bevieron Kate angina que no se komo azer Kate turkey. Bivouac en Israel. Aki les gusta much Kate turkey. Te remercio por to resent. Que Buena idea. Espero de ver mas reseftas en ladino.
Post a Comment
Subscribe to Post Comments [Atom]
<< Home