Saturday, June 17, 2006

Yaprakes falsos



Yaprakes falsos

En Turkiya los yaprakes son una komida muy famosa i se azen kon karne mulida i arroz ma se puede azer solo kon arroz. Mozotros los azemos solo kon arroz es por esto ke se yama yaprakes falsos. Necessita muncho tiempo para azer este komida, porke duvlar kada una oja no es fasil !!! Este komida se puede komer en Gresya komo en Turkiya, ez una koza maraviya.



Ingredientes

-ojas de parra (250 g) –dechar 5-6 ojas de parra para la kacharola
-una kupa de arroz
-3-4 sevoyas
-1 tomate
-2 kucharas de alzete
-sal
-pimienta
-un poko de pirshil

Preparamiyento

-Lavar las ojas de parra i las buyir un poko para ke se ablanden.
-Eskurir las ojas.
-En un plato meter la kupa de arroz lavada.Rayer las sevoyas, i el tomate. Meter sal, pimienta , el pirshil kortido i la alzete i mesklar todo.
-Tomar una oja de parra, la inchir kon la preparasiyon. Duvlar kom un puro. Azer esto fina ke no kede una ojas de parra mas.
-Tomar las 5-6 ojas de parra ke deshates vaziyas, i las meter al dip de la kacharola. Enriva meter las ojas enchidas.
-Meter dos kupas de agua, un poko de alzete, sal, i medio limon esprimido. Meter a kozer kon un kapak (couvercle) a la reves fina ke se ablandan.

En Turkiya las ojas se komen kon yogurt

7 Comments:

Anonymous Anonymous said...

KERIDA SARAH,
Kada diya miru si ay arguna mueva reseta. Ke ermoza komida ke ez los "yaprakis falsos." Komo dishitis toma un poko di tyempo, ma vale la pena. Amanyana va ser muestra komida di midi. Lo eksplikates tanto ermozo, lo vo azer de la mezma manera. Mersi Sarah, ez un plazer de meldarte.
yay dos semanas izi un komanter suvri " guevos kon tomat". Nose deke no aparesyo. Te abraso, Ayfer di Paris

1:40 AM  
Blogger tata said...

Ahora es tiempo para hacer yaprakes falsos, muy bueno Sarah. Y cacik se va bueno.

3:48 AM  
Blogger sarah said...

Kerida Ayfer i tata,

Es solo agora ke puedi dar vos una repuesta, no teniya tiyempo antes

Kerida Ayfer mersi muncho para el komentariyo, es un grande plazer para mi de ver ke yay personas ke me meldan i ke entiyenden lo kes esto eskriviendo:)

Kerida Tata,

oy azimos yaprakes de muevo i mi madre te sintio porke las komimos kon cacik :)

Besos a todos

sarah

12:09 PM  
Anonymous Anonymous said...

Querida Sarita,

Gracias por la receta, nosotros ya tuvimos la oportunidad de comerlas en tú casa.
REALMENTE MUY SABROSOS !!!!, ACA LOS LLAMAN: ""NIÑOS ENVUELTOS EN HOJAS DE PARRA""

Tienes alguna receta usando esparragos (fr: asperge) o alcauciles (fr: artichaut)??

Besos
Elías Narciso GANON

6:13 AM  
Anonymous Anonymous said...

Esta bien bonito tu blog, pero la verdad deja de escribir así, con k, comiendote las palabras, la verdad, siendo una chica tan culta y tan sabia, escribas asi...

Atte Mourtolina

4:37 PM  
Blogger Valdomicer said...

¡Hola!
He llegado hasta aquí buscando recetas para los yaprakes. Plato que pienso preparar para el fin de semana.
Ha sido toda una satisfacción encontrarme un blog escrito en ladino y más aún comprobar que ¡Lo entiendo perfectamente!.
Permíteme estar entre tus seguidores y que te robe habitualmente alguna de tus recetas ya que estoy últimamente muy interesado por la comida sefardí.
Acostumbro a despedirme con "un besino"; pero no sé si será correcto en este caso.

3:03 AM  
Blogger Jean Gonzo said...

Este blog es muy precioso. Contiene las recetas que escucháramos de nuestras abuelas y ha sido como viajar al pasado familiar.

Para Mourtolina: si Sarah escribe así no es por falta de cultura. Ella escribe en djudezmo, o judeo-español o ladino; es la lengua que hablaban los judíos en España medieval y que se conservó tras la expulsión de los judíos en 1492. Nuestros antecesores llevaron su peculiar forma de hablar español a los países del norte de África, los Balcanes y el Medio Oriente, incluida Turquía. Sarah escribe en la variante sefardí de Turquía, que es un español con influencias del hebreo y del turco.
Así pues, Mourtolina, la forma de escribir de Sarah no es ningún rasgo de incultura, sino de una cultura muy antigua y de la que los descendientes de los sefardíes y los judíos en general estamos orgullosos.

7:52 AM  

Post a Comment

Subscribe to Post Comments [Atom]

<< Home