Sutlac
Keriya meter esta resefta para shavouoth porke devemos komer dulses kon leche. Es una dulse ke me agrada muncho, el ke aziya mi gramama era maraviyozo.
Aki metemos las komidas sefaradi… i fin agora todas las reseftas teniyan nombre espaniol . Este dulse tiene un nombre turko , en turko sut kiere dizir leche. En Turkiya el sutlac ez arroz kon leche ma los sefaradim azen esto de doz maneraz, kon arroz o kon arina de arroz. El ke me agrada el maz es kon arina de arroz
Ingredientes
-1/2 litre de leche
-2 kuchara de supa de arina de arroz (crème de riz-pirinc unu)
-1 kupa de asukar
-Kanela
Preparamiyento
-Mesklar la leche, la arina de arroz i l’asukar en una kacharola
-Meter enriva del fuego, mesklar fina ke se aze espeso
-Amatar el fuego, mesklar para yelardo.
-Vaziyar en kupas
-Meter un poko de kanela enriva
-Se kome yelado
posted by sarah | 12:34 PM
5 Comments:
Querida Sarah,
Sutlac es arroz con leche y se hace con arroz. La resefta tuya es muhallebi.
Un abraso muy fuerte
Hola Sarita,
Siempre habia arroz con leche y canela en Roshana y Kipur, preparada especialmente por mi abuela Caden.
Tambien habia otro postre (dessert) que era de color blanco (consistencia de flan)y se llamaba CHUNIO, preparado con maizena (fecula de maiz). La mayoria de las personas comiamos los 2 postres.
Besos
Narci
Hola nuevamente....
Me gusta venir aca y no solo leer las recetas sino que recordar palabras que dice mi madre. Algunas veces no entiendo por ejemplo que significa muhallebi??
saludos
Hola todos,
aze unos kuantos dias ke no puedi dar repuesta porke teniya problem en blogspot
Kerido Narci,
no konosko el chunio, kon maizena azemos muhallebi
Kerida Ester,
Muhallebi es el nombre turko para un dulse ke se aze kon leche i agua, maizena i arina
Besos
sarah
Kerida Catarina,
Es un grande plazer para mi de ver ke azetes este dulse i ke te plazyo.
Mersi muncho para tu komentariyo
Besos
sarah
Post a Comment
Subscribe to Post Comments [Atom]
<< Home