Guevos kon tomates
De todas la kumidas sefaradi me parese ke esta resefta es la muy fasil a azer !!! Para mi el sekreto de esta komida es el asukar ke se mete si los tomates son asid.
En Izmir esta komida se aze espesialamente para Tesha Beav (la noche antes de tesha beav), no se kualo es la eksplikasiyon.
Antes de dar la resefta una poeziya de mi papu sovre tomates!!!
"Tomates tomates
a kuanto tomates
los tomates ke tomates"
Ingredientes (para 3 personas)
-6 tomates
-6 guevos
-sal
-un poko de asukar
-alzete
-un poko de kezo
Preparamiyento
-Mundar los tomates, los kortar minudos o pasar al robot
-Meter un poko de alzete en una ‘tava’. Meter los tomates a kozer fina ke se aze komo una pure. (Si los tomates son muy asid meter un poko de asukar)
-Romper los guevos enriva de la pure de tomates
-Mesklar los blankos kon los tomates i dechar los amarillos enteros
-Adjustar un poko de keso-Kuando los amarillos de los guevos son prontos servir
posted by sarah | 1:02 PM
7 Comments:
Querida Sarah,
saludos de tu papu que te accodrates de la poesia.
Y yo tambien los hace subito.
Ayten de Milas
Bravo Sarah,
estan muy savrosoz, y la foto tambien esta buena. De ver la foto tengo hambre.
Es una tipica comida rapida (pishin-pishin) de la familia sefaradi. Mi nona Caden lo solia preparar en Verano para algún almuerzo. Imaginen que solo 1 o 2 veces por año ya que tiene muchas muchas calorias !!!
Besos a la GRAN COCINERA (guizadora) SARITA !!!
Elías Narciso
Hola todos,
Mersi muncho para los komentariyos, vos asperimos a gostar:))))
proxima resefta? una koza blanka para shavuot
besos
sarah
Es uno plazer mozotros meldar i eskrivir Judezmo.Para el ke amostra su amistad nunka ay problema.1bézo.
Kerida Catarina,
Mersi muncho para tu dulses palavras
Kon muncha amistad
sarah
Great bllog I enjoyed reading
Post a Comment
Subscribe to Post Comments [Atom]
<< Home