Bokadikos de Kalavasa
Bokadikos de Kalavasa
Kalavasa es una koza kon kualo puedes azer munchas komidas, fritada, medias de kalavasas, dolmas de kalavas… me lo ke me agrada mas kon la kalavasa es ke en mismo tiempo es une biervo ke kere dizir ‘imbécile’ … chut este sitio es para dar reseftas i no embezar injurias :)
La resefta de oy es una resefta muy fasil a azer, i mi papu lo aze mijor de mi madre (no lo digas ke es yo ke vos embezo este sekreto de familia :) )
Los kes son de Istanbul azen una koza ke parese i ke se yama kashkarikas
Ingredientes
-2-3 kalavasas
-una kuchara de tomatada
-2-3 ajikos
-sal
-Pirshil
Preparamiyento
-Se munda las kalavasas
-Se korta komo un dedo
-Se mete en una kacharola
-Se adjusta un poka d’agua, sal, ajikos, tomatada i se mete a buyir
-Kuando buyi meter el fuego al minimum
-Kuando las kalavasikas son blandas, la komida esta pronta
posted by sarah | 10:31 AM
3 Comments:
Se ven muy savrosas, pero yo prefero dolmas de kalavasa. Mozotros tenemos esta semana avikas con yaprak.
Hola,
Otra vez,tengo el placer de decir que en marruecos se prepara la calabaza,segun la misma receta...bueno, quasi la misma, la pequenia diferencia es que nosotros no le ponemos tomate, pero todos los demas ingredientes que has citado, añadimos paprika (pimienta dulce)y cumino, y cuando esta cocida, un chorito de aceite de oliva.
Me encanta encontrar recetas que se parencen a las de marruecos en este blog!
Gracias Sarah,
La marroqui.
Kerida Tata,
Asperamos la resefta de las avikas kon yaprak:)
Kerida Marroqui,
Mersi muncho por el kommentariyo. Es una buena surpreza de ver ke ay otros lugares ande azen esta kumida
Mersi por informar mos
sarah
Post a Comment
Subscribe to Post Comments [Atom]
<< Home