Mustachudos
Keridos amigos a mi me agrada muncho almendras, muez… Es muy fasil para mi de komer kozaz savrosas :) La resefta de oy es una resfta muy fasil a azer i komer. Mi madre no keriya azerla porke su madre la aziya de una manera maraviyoza. Para esta resefta mirimos en diferentes livros (los de mi madre i uno ke mi ermana me diyo) Topimos dos variantes de esta resefta una kon almendra i la otra kon muez solo. Komo la tia Julia de mi madre lo aze solo kon muez los azimos de la misma manera. Esta resefta es la resefta de la Tia Julia ke es una muy buena gizandera i da la reseftas kon sus sekretos. Espero ke vos va plazer tambien
Mustachudos
Ingredientes
-3 kupas de muez molida
-1 kupa de asukar
-1 guevo
-1-1.5 kupa de ‘biscottes’ o matsot mulida
-Un poko de kanela
Preparamiyento
-Mesklar todos los ingredientes de manera a formar una masa
-Si la masa es muy dura se puede adjustar un poko de agua
-Meter la masa en un paylon, i la kozer a temparatura basha
-Tomar del fuego
-Deshar un poko yelar i dar formas
-Meter asukar en polvo enriva
posted by sarah | 3:28 AM
8 Comments:
...Son mis dulces preferidos !!!
Besos
Elías Narciso
Buenos Aires
Kerida Sarah,
Mustachudus ez una dulsura ke me plaze muncho. Mersi di akodrarmelo. Yay tiempoz ke no lo ago.
Mi madre lo aziya de la mezma manera, solo Eya no mitiya biskot u matsa mulinada. Te abraso, Ayfer
Kerido Elias,
Agora ya puedes azerlos :))))) Agora ya son entre mis dulces preferidos tambien...
Kerida Ayfer,
Es mi plazer de azer akodrar las komidas de antes,
me parese ke biskot u matsa se mete si la masa esta muy 'liquide'
munchos besos a todos
sarah
maravilla, bravo Sarah.
Mersi muncho tata,
pekado ke no estas aki,
besos à todos
sarah
Sarah:
Mi madre los hace y le quedan maravillosos. Yo también alguna vez los he hecho y me gustan mucho,
el problema es que tiene muchas calorías.... pero en fin siguen siendo ricos.
Saludos desde Chile
Kerida Esther,
De verda son dulces muy savrosas, kon munchas calorias:) ma no es posivle komer munchos mustachudos en una vez...
saludos de fransiya
sarah
wow, este es el idioma español de los sefardies expulsados? que extraño, suena hermoso eso sí (perdona el comentario monger, jamas habia visto el ladino en acción)
La receta tiene buena pinta, la haré pronto ^-^
Gracias
Muchos besos desde Sepharad
Post a Comment
Subscribe to Post Comments [Atom]
<< Home