Sunday, May 21, 2006

Koftes de Pirasa


Yay munchas semanas ke no teniya tiempo de eskrivir porke estava kon mi papu, ke vino de Izmir para vermos. Estavamos muy muy kontente de vermos. En akeyos tiempos no me olvidi el blog. Esto es una resefta muy savrosa ke mos agrada muncho. Espero ke vos va agradar tambien

Koftikas de pirasa (leak-poireaux)

Ingredientes
-250 g de karne mulida
-4-6 pirasas (leak –poireaux)
-2 patatas
-1 guevo
-1-2 kucharas de arina
-alzete para freir
-sal, pimienta

Preparamiyento
-Mundar , lavar, kortar las pirasas. Las eskaldar
-Mundar i eskaldar las patatas.
-Esprimir las pirasas eskaldadas.
-Azer una pure kon las patatas eskaldadas
-Mesklar karne mulida, pure de patatas i las pirasas esprimidas.
-Dar la forma de una kofte
-Untar las koftes primera vez en la arina i despues en el guevo bateado
-Las freir en la alzete kente

3 Comments:

Blogger tata said...

tu papu dise que las köftes estan muy savrosaz, coma ti.mozotros hacimos hoy resikas.

12:30 PM  
Blogger sarah said...

Mersi muncho,me averguansi:)
munchos besos à todos

sarah

12:44 PM  
Anonymous Anonymous said...

Gracias por volver !!!

Besos
Narci

10:15 AM  

Post a Comment

Subscribe to Post Comments [Atom]

<< Home